Monday, February 17, 2025
ទំព័រដើមធ្វើដូចម្តេចAffiliate Marketer មិនមានវេបសាយធ្វើបានទេ?

Affiliate Marketer មិនមានវេបសាយធ្វើបានទេ?

សួស្តី! ថ្ងៃនេះយើងមានសំណួរមួយដែលសួរដោយអ្នកដែលទើបនិងចាប់ផ្តើមក្នុងវីស័យនេះ​ ភាគច្រើនគាត់តែងតែសួរថាចុះការដែលធ្វើជា Affiliate Marketer ហ្នឹង យើងត្រូវការវេបសាយ ឬ ប្លក់មួយដែរឬទេ?

វាជាសំណួរដែលយើងត្រូវបានសួរជាប្រចាំ។ ចម្លើយខ្លីគឺត្រូវការ។

នៅក្នុងអត្ថបទនេះយើងនឹងប្រាប់ពីវិធីដែលអាចធ្វើជា Affiliate Marketer ដោយមិនចាំបាច់មានវេបសាយផ្ទាល់ខ្លួនក៏បាន។ អ្វីដែលត្រូវកត់សម្គាល់នោះគឺថា អ្នកផ្សាយពាណិជ្ជកម្មមួយចំនួនបាន បានស្នើសុំអោយយើងបំពេញអសយដ្ឋានវេបសាយរបស់យើង មុននិងគេអនុញ្ញាត្តិអោយចូលរួមកម្មវិធី Affiliate របស់ពួកគេ។

- Advertisement -

ខ្ញុំសូមលើកយកឧទាហរណ៌ជាក់ស្តែងមួយគឺ ផលិតផល Snow ដែលផលិតផលនេះ គឺជាផលិតផលដែលធ្វើអោយធ្មេញយើង ស ហើយមានទីតាំងនៅ សហរដ្ឋអាមេរិច, អារីហ្សូណា។ ដើម្បីធ្វើជា Affiliate អោយផលិតផល Snow នេះយើងតម្រូវអោយមានវេបសាយ ឬ social media ដើម្បីចុះឈ្មោះ។

តើយើងអាចរកលុយបានដោយរបៀបណា ប្រសិនបើមិនមានវេបសាយ?

មានវិធីសាស្រ្តទូទៅមួយចំនួនក្នុងការធ្វើទីផ្សារ ដោយគ្មានវេបសាយហើយអ្នកដែលធ្វើជា Affiliate Marketer ដែលយើងអាចហៅម្យា៉ងទៀតថា Publishers ឬអ្នកផ្សព្វផ្សាយ​ បានរកឃើញថាប្រាក់ចំណេញរបស់ពួកគេបានកើនឡើងខ្ពស់ដោយការប្រើប្រាស់វិធីសាស្ត្រទាំងនេះ ដែលយើងនិងបន្តរៀបរាប់នៅខាងក្រោមទៀត។ អ្នកត្រូវដឹងចំនុចមួយថា មិនមានការវិនិយោគ មិនមានផលចំណេញកើតឡើងមកទេ ហើយវិធីសាស្រ្តខាងក្រោមនេះ អាចនិងត្រូវការពេលវេលាឬការវិនិយោគហិរញ្ញវត្ថុយ៉ាងច្រើន ដើម្បីឈានទៅរកសក្តានុពលមួយមុននិងអ្នកអាចកើបលុយចំណេញត្រឡប់មកវិញបាន។

ការផ្សព្វផ្សាយដែលមិនអាចរំលងបានគឺ តាមបណ្តាញសង្គមផ្សេងៗ

ការផ្សព្វផ្សាយតាមរយៈប្រព័ន្ធផ្សព្វផ្សាយសង្គម គឺជាវិធីសាមញ្ញបំផុតមួយដើម្បីចែករំលែក Affiliate Link របស់អ្នកដោយមិនមានវេបសាយនៅឆ្នាំ ២០២០។ នៅលើអ៊ីធឺណេត ប្រព័ន្ធផ្សព្វផ្សាយបណ្តាញសង្គមផ្សេងៗគ្នាជាច្រើនដែលលោកអ្នកត្រូវជ្រើសរើស ហើយត្រូវច្បាស់លាស់ថាតើ ផលិតផលណាមួយដែលយើងត្រូវយកមកផ្សព្វផ្សាយ។ អ្នកក៏គួរតែគិតអំពីអតិថិជនគោលដៅ ដែលអ្នកកំពុងតែសង្ឃឹមថាអាចនិងបង្កើតទំនាក់ទំនង ឬ ធ្វើអោយពួកគាត់ចាប់អារម្មណ៌មកលើ ហើយត្រូវស្វែងយល់ពីអតិថិជនគោលដៅទាំងនោះថាតើ គាត់ឧស្សាហ៍ប្រើប្រាស់បណ្តាញសង្គមណាមួយជាញឹកញ៉ាប់ ដូចជា Instagram ឬ Facebook ដែលគាត់ប្រើច្រើនជាងគេ យើងឧស្សាហ៍ឃើញគាត់ប៉ុស្ត។

បច្ចុប្បន្នហ្វេសប៊ុកនៅតែជាប្រព័ន្ធផ្សព្វផ្សាយសង្គម ដែលត្រូវបានគេប្រើច្រើនបំផុតនៅទូទាំងពិភពលោកនិងល្អដោយសារតែហ្វេសបុក ផលិតឡើងតម្រូវមាតិកាច្រើនប្រភេទខុសៗគ្នា។ ជាមួយហ្វេសបុក អ្នកមានឱកាសសម្រាប់សម្រាប់ចង់បង្ហាញ ឬ ផ្សព្វផ្សាយតាមរយៈការសរសេរជា Status ក៏បាន ប៉ុស្តអមដោយរូបភាពឬវីដេអូក៏បាន ដូច្នេះវាបានផ្តល់មុខងារពិសេសៗច្រើនដែលជាជំនួយដល់ការងារ Marketing របស់យើង។

ទោះជាយ៉ាងណាក៏ដោយអ្នកប្រើប្រាស់មិនប្រាកដថាទៅប្រើប្រាស់តែ ហ្វេសបុកមួយនោះទេ ពួកគាត់ខ្លះក៏មកលេង Instagram ដែរ។ Instagram គឺជាវេទិកាដ៏មានប្រជាប្រិយមួយ ហើយការប្រើប្រាស់ Instagram អ្នកអាចបង្កើត Video Promotion ឬ ធ្វើជាប៉ុស្តរូបភាពផ្សេងអោយមានភាពទាក់ទាញ ពីព្រោះថា Instagram គឺផ្ដោតសំខាន់ទៅលើ មាតិកាវីដេអូនិងរូបភាព ហើយប្រសិនបើអ្នកមិនអាចថតវីដេអូដោយខ្លួនឯងទេ ឬហៅសាមញ្ញថាអៀនកាមេរ៉ា នោះអ្នកគួរតែកត់ត្រាចំណុចខ្សោយនេះទុក្ខ ហើយព្យាយាមបំបាត់វាចេញ ពីព្រោះថាមាតិកាបែបវីដេអូប្រភេទនេះ កំពុងតែទទួលបានការពេញនិយមយ៉ាងខ្លាំងពីអ្នកប្រើប្រាស់អ៊ឺធើណេត។

Twitter ក៏ល្អដែរសម្រាប់អ្នកដែលចូលចិត្តធ្វើទីផ្សារបែបផ្សព្វផ្សាយខ្លីៗចំគោលដៅតែម្តង។ ដោយសារយើងមិនអាចសរសេររៀបរាប់បានវែងនោះទេ នៅលើបណ្តាញសង្គម Twitter នេះ។ ដូច្នេះហើយសម្រាប់អ្នកដែលមានអត្ថបទវែងៗសម្រាប់ធ្វើការផ្សព្វផ្សាយ ប្រហែល Twitter មិនមែនជាជម្រើសដ៏ល្អរបស់អ្នកនោះទេ។

LinkedIn គឺជាបណ្តាញសង្គម ដែលមានអ្នកប្រើប្រាស់ភាគច្រើនលើសលប់ ប្រើដើម្បីការងារនិងផ្សព្វផ្សាយបែបជំនាញវិជ្ជាជីវៈ នៅក្នុងបណ្តាញ LinkedIn នេះ មិនសូវមានអ្នកប៉ុស្តរូបលេង ឬ វីដេអូលេងអត់ប្រយោជន៌នោះទេ ដូច្នេះហើយប្រសិនបើអ្នកធ្វើ Affiliate ផលិតផលណាដែលត្រូវនិងអ្នកធ្វើការបែប Professional ដូច្នេះគួរពិចារណាប្រើប្រាស់ LinkedIn ចុះមិនខុសទេ។

ឥឡូវនេះ TikTok កំពុងក្លាយជាកន្លែងសម្រាប់អ្នកទីផ្សារដើម្បីបង្កើតមាតិកាដែលអាចជួយបង្កើនការលក់។ ដើម្បីប្រើប្រាស់កម្មវិធីប្រព័ន្ធផ្សព្វផ្សាយសង្គមឱ្យបានពេញលេញ ហើយដើម្បីបង្កើនការលក់ អ្នកធ្វើ Affiliate ត្រូវមានតែដាក់ Link នៅក្នុងគណនី Tik Tok។ ថ្មីៗនេះ TikTok បានបើកដំណើរការ ‘TikTok for Business' ដែលអនុញ្ញាតឱ្យអ្នកប្រើប្រាស់ដាក់បញ្ចូល Link ទៅក្នុងគណនីបាន។

Youtube យើងគ្រប់គ្នាប្រហែលជាស្គាល់ច្បាស់ហើយអំពី Youtube និងប្រជាប្រិយភាពរបស់បណ្តាញសង្គមមួយនេះ។ ខ្ញុំជឿថាយ៉ាងហោចណាស់ក៏យើងអាចនិងចូលមើល Youtube ម្តងដែរក្នុងមួយថ្ងៃ ឬ​ក៏មិនមែន?

YouTube ក៏យើងអាចប្រើប្រាស់ធ្វើជាកន្លែងផ្សព្វផ្សាយ ដោយសារមានអ្នកប្រើប្រាស់ជាច្រើនដែលតែងតែ ចំណាយពេលក្នុងការមើលវីដេអូ ចំណាយពេលក្នុងការស្វែងរកប្រធានបទអ្វីមួយដែលគេចង់ដឹង ហើយមានអ្នកខ្លះចំណាយពេលសឹងតែពេញមួយថ្ងៃផងក៏ថាបាន ដើម្បីនឹងស្តាប់ចម្រៀងដែលមាននៅក្នុង YouTube នេះ។ ដូច្នេះហើយ YouTube មានមនុស្សជាច្រើនដែលចំណាយពេលនៅលើ​ Platform មួយនេះ ហេតុនេះហើយយើងជាអ្នកធ្វើ Affiliate យើងក៏អាចប្រើឱកាសនេះសព្វផ្សាយផលិតផលរបស់យើងតាមរយៈ YouTube បានផងដែរ។

ដូចដែលអ្នកបានឃើញប្រព័ន្ធផ្សព្វផ្សាយសង្គមធំៗ មានអត្ថប្រយោជន៍និងគុណវិបត្តិរបស់វា… វាអាស្រ័យលើអ្នកនិងផលិតផលដែលអ្នកជ្រើសរើសយកទៅផ្សព្វផ្សាយថាតើ មួយណាវាសមរម្យ និង ហើយអាចនិងទទួលបានការគាំទ្រពីអ្នកប្រើប្រាស់នៃបណ្តាញសង្គមទាំងនោះ។

ការចំណាយលុយទៅលើក្រុមហ៊ុនផ្សព្វផ្សាយពាណិជ្ជកម្ម

យើងមិនមានវេបសាយនោះទេ តែមានវេបសាយរាប់រយលានដែលកំពុងរង់ចាំដាក់ផ្តាំងពាណិជ្ជកម្មរបស់យើង។ យើងអាចកត់សំគាល់មើលឃើញថា សឹងតែគ្រប់បណ្តាវេបសាយទូទាំងសាកលលោក ពេលដែលយើងបើកមើលទៅ ឃើញសុទ្ធតែផ្ទាំងពាណិជ្ជកម្ម។ អ្នកធ្វើ Affiliate មួយចំនួនគាត់បានចំណាយលុយទៅលើក្រុមហ៊ុន Ads Network ដើម្បីអោយគេដាក់ផ្សាយផ្ទាំងផលិតផលរបស់ពួកគេ។ ដែលក្នុងនោះមានដូចជា Media, Google AdSense ជាដើម។

ការផ្សព្វផ្សាយតាមរយៈវេទិកា (Forum)

នេះអាចជាជម្រើសដែលត្រូវការពេលវេលាប៉ុន្តែមានប្រសិទ្ធភាព។ ស្វែងរកវេទិកាតាមអ៊ិនធើណេតដែលមនុស្សកំពុងសួរសំណួរអំពីប្រធានបទចំៗណាមួយដែលត្រូវនិងផលិតផល Affiliate របស់អ្នក ការផ្សព្វផ្សាយក្នុង Forum ត្រូវការពេលវេលាប៉ុន្តែក៏មានសង្ឃឹមនិងទទួលបានផលច្រើនដែរ។

ដំណើរការនៃ Forum គឺបែបនេះ។ មានអ្នកប្រើប្រាស់គាត់អាចនិងមិនយល់ពីអ្វីមួយ ឬ ចង់ទិញរបស់អ្វីមួយ ហើយគាត់ក៏បានប៉ុស្តជាសំនួរ។ ការប៉ុស្តនោះអ្នកអាចចូលទៅធ្វើការឆ្លើយតប ហើយព្យាយាមពន្យល់និងធ្វើការណែនាំអោយគាត់បានយល់ច្បាស់ ហើយអ្នកក៏អាចដាក់ Link Affiliate របស់អ្នក។ ប្រសិនបើការណែនាំ ពន្យល់របស់អ្នកទទួលបានការពេញចិត្តពីអ្នកសួរនោះ គាត់អាចនិងចូលទិញផលិតផលនោះតាមរយៈការចុចលើ Link របស់អ្នកនោះឯង ហើយអ្នកក៏ទទួលបាន Commission ពីការលក់។

ត្រង់ចំនុចនេះខ្ញុំចង់បង្ហាញថា ក្រៅពីអ្នកសួរសំណួរខាងលើ អ្នកប្រើប្រាស់​ Forum ដែលមានចង្ងល់ដូចគ្នាគាត់ក៏អាចចូលមកអាន ហើយក៏និងអាចចុចទិញតាមរយៈ Link របស់អ្នកផងដែរ ដូច្នេះសូមព្យាយាមឆ្លងឆ្លើយនៅក្នុង Forum អោយបានច្រើន ហើយកុំដើម្បីតែលក់តែម្យ៉ាងត្រូវឆ្លើយអោយបានត្រឹមត្រូវ ដាក់ខាតកុំចូលទៅ Spam Comments ក្នុង Forum របស់គេប្រយត្ន័គេប្លក់ចោល។

ក្រៅពីប្រព័ន្ធទំនើបអនឡាញយើងនៅផ្សព្វផ្សាយតាម Offline បានដែរតើ

ការផ្សព្វផ្សាយតាម Offline មានដូចជាបោះពុម្ពខិតប័ណ្ណចេញ! ផ្សាយតាមវិទ្យុផ្សេងៗ ដែរយើងអាចហៅការផ្សាយទាំងនេះតាម បែបពីមុន ឬមិនសូវទាន់សម័យ។ ក៏ប៉ុន្តែអ្នកអាចឆ្ងល់ថាចុះប្រសិនបើផ្សាយតាមខិតប័ណ្ណ ធ្វើយ៉ាងម៉េចបានគេចុច Link យើងបានទៅ? ចម្លើយគឺគេមិនបាច់ចុច Link ទេ! គឺអ្នកទិញអាចបើវេបសាយតាមរយៈ QR Code ឬ អសយដ្ឋានវេបសាយ ដែលយើងបានបោះពុម្ភចេញមកនោះ ហើយបញ្ចូល Coupon របស់យើង ដែល Coupon ទាំងនោះ គឺម្ចាស់ផលិតផលជាអ្នកអោយមកយើង ដូច្នេះពេលគេចូលវេបសាយហើយ ទិញផលិតផលបន្ទាប់មកអ្នកទិញត្រូវវាយ Coupon របស់យើងចូល! នោះយើងនិងបាន Commission. ចុះប្រសិនបើគាត់មិនវាយបញ្ចូល? ចម្លើយគឺ អ្នកនិងមិនបាន Commission ទេ 😀

ជាចុងក្រោយខ្ញុំសង្ឃឹមថា អត្ថបទនេះនិងផ្តល់ជាគំនិតខ្លះៗដល់អ្នកដែលចង់ចាប់ផ្តើមធ្វើជា​ Affiliate Marketer ហើយមិនទាន់មានវេបសាយ អាចយកទៅពិចារណាហើយសាកល្បងធ្វើបាន។ តែប្រសិនបើអ្នកចង់ បង្កើតភាពងាយស្រួលក្នុងការលក់ ហើយបង្កើតអោយមាន Branding ខ្លួនឯងផងនោះ អាចចាប់ផ្តើមរៀនបង្កើតវេបសាយ ដោយចាប់ផ្តើមជាមួយ HostGator បានដោយព្រោះគេមាន Website Building ដែលយើងមិនចេះកូដក៏អាចបង្កើតបាន។

filmora
Namecheap

អត្ថបទពេញនិយម

Make a bright smile your easiest resolution this year!